Imprimir

A Xunta alerta dun temporal costeiro de nivel laranxa que afectará ao litoral das provincias da Coruña e Pontevedra a partir de mañá.

fotos @xalomonte | 29 de Diciembre de 2015

Segundo informa a Axencia Estatal de Meteoroloxía (Aemet), desde primeiras horas desta madrugada espéranse ventos do sur e suroeste, de forza 8, e mar combinada no oeste e noroeste da provincia da Coruña. As ondas oscilarán entre os 5 e 6 metros de altura. 

Pola súa banda, en torno ás 6.00 horas haberá intervalos de ventos do sur e forza 8 e mar combinada do oeste-suroeste, con ondas de 5 e 6 metros na zona suroeste da Coruña e no litoral da provincia de Pontevedra.

Por este motivo, e co fin de garantir a seguridade dos bens e as persoas, a Dirección Xeral de Emerxencias e Interior, a través do Centro de Atención ás Emerxencias 112 Galicia, informou da situación aos concellos das provincias afectadas; ás Deputacións, servizos provinciais e agrupacións de voluntarios de Protección Civil e aos clubs náuticos, entre outros. Deste xeito, agárdase que se adopten as medidas oportunas para garantir a seguridade dos bens e das persoas.

Tamén recórdaselle á poboación a importancia de seguir as medidas de protección como evitar aproximarse a diques ou rompentes co fin de previr un eventual golpe de mar que poida arrastrar persoas ou obxectos ou vixiar posibles caídas de obxectos desde balcóns e fiestras. Ademais, aconséllase consultar a páxina web do CAE 112 (www.112galicia.org), que conta con información meteorolóxica e con enlaces de interese.

Puede ver este artículo en la siguitente dirección http://stadiosport.opennemas.com/articulo/galicia/xunta-alerta-dun-temporal-costeiro-nivel-laranxa-afectara-ao-litoral-das-provincias-da-coruna-pontevedra-partir-mana/20151229195356049813.html

Stadio Sport
© 2019 Stadio Sport

Stadio Sport 

Diario Digital de Opinión Independiente

dirección@stadiosport.es  

redaccion@stadiosport.es

publicidad@stadiosport.es


     
Desarrollado por Openhost con:      
OpenNeMaS CMS OpenHost S.L. Opennemas CMS