Imprimir

Este sábado celebrarse a proba de Vilalba do programa “Xogade” de duatlón escolar

Stadio Sport | 27 de marzo de 2015

Contará coa participación de 116 deportistas

 

Este sábado 28 marzo (16:00 horas) celebrarase a proba clasificatoria de Vilalba do programa “Xogade” de Duatlón Escolar 2015, coa participación de case 120 deportistas. 

A proba celebrarase no contorno do Polígono Industrial de Vilalba. As distancias son diferentes segundo a categoría. Desta forma, en benxamín as e os deportistas correrán 500 metros, farán 2 quilómetros en bicicleta e correrán 250 metros; en alevín as distancias son de 1 quilómetro (carreira), 4 quilómetros de bici e 500 metros de carreira a pe; en infantil, 1,5 quilómetros de carreira,  6 quilómetros de bicicleta e 750 metros de carreira e, por último, en cadete son 2 quilómetros de carreira a pe, 8 quilómetros de bicicleta 1 quilómetro de carreira. 

O programa está formado por sete probas locais (dúas por provincia menos en Ourense) que son clasificatorias para as provinciais, de onde sairán os participantes na final galega. Ata agora celebráronse as probas de Ferrol, Mondoñedo, Vedra e Maceda. Nas probas zonais clasifican os 25 mellores por categoría e sexo e nas provinciais lograrán o pase ao Galego os 8 primeiros clasificados de cada categoría, ademais dos dous primeiros equipos por categoría e sexo. “Xogade” está desenvolvido pola Secretaría Xeral para o Deporte da Xunta de Galicia, en colaboración coa Federación Galega de Tríatlon.

Puede ver este artículo en la siguitente dirección http://stadiosport.opennemas.com/articulo/atletismo1/sabado-celebrarse-proba-vilalba-do-programa-xogade-duatlon-escolar/20150327150557034487.html

Stadio Sport
© 2019 Stadio Sport

Stadio Sport 

Diario Digital de Opinión Independiente

dirección@stadiosport.es  

redaccion@stadiosport.es

publicidad@stadiosport.es


     
Desarrollado por Openhost con:      
OpenNeMaS CMS OpenHost S.L. Opennemas CMS