Imprimir

Presentada a 20ª Carreira pedestre San Silvestre que se disputará o día 31 de decembro

Stadio Sport | 26 de diciembre de 2014

Esta carreira, que pecha o calendario deportivo do ano, conta cunha gran repercusión na cidade e nela participarán corredores de todas as idades

 

O Concelleiro de Deportes, José Manuel Díaz Grandío; acompañado polo representante do Clube Fluvial e da organización, Álvaro Sánchez,  e polo Presidente do Clube Media Maratón, Manuel Castiñeira, presentou hoxe a 20ª Carreira pedestre San Silvestre que se disputará o día 31 de decembro.

Díaz Grandío destacou a importancia que ten esta carreira coa que se pecha o calendario deportivo lucense e animou a todos os lucenses a participar nesta última competición deportiva do ano, da que dixo que “xa conta cunha traxectoria importante e ten unha grande repercusión na cidade”. O Concelleiro tamén agradeceu o esforzo que fai o Clube Fluvial na organización da San Silvestre de Lugo e a colaboración do Clube Media Maratón.

Álvaro Sánchez informou que nesta carreira xa hai inscritos máis de 650 adultos e os nenos aínda se poden inscribir. Tamén sinalou que “este ano houbo un cambio de percorrido debido ás obras que se levaron a cabo na Ponte do Río Mera, polo que o circuíto será pola pista de terra pegada ao río”.

A carreira comezará ás 16:30 horas con saída e chegada na zona do Paseo fluvial próximo ao Pazo de Feiras e Exposicións, no caso das carreiras infantís e posteriormente con saída no mesmo lugar e chegada no Clube Fluvial, no caso dos adultos.

Para os nenos haberá catro categorías por idades: mini que terá unha lonxitude de 0,5 quilómetros, A cunha lonxitude de 1 km, B que será de 2 km e C e D que será de 3 km.

Os adultos correrán unha distancia de 6,5 quilómetros e haberá cinco categorías, segundo as idades.

A organización entregará trofeos aos tres primeiros clasificados de cada categoría.

Nesta edición será obrigatorio estar inscrito no evento para poder participar. As persoas que non estean inscritas non optarán a clasificacións nin a premios.

Puede ver este artículo en la siguitente dirección http://stadiosport.opennemas.com/articulo/atletismo1/presentada-20-carreira-pedestre-san-silvestre-disputara-dia-31-decembro/20141226141557029311.html

Stadio Sport
© 2019 Stadio Sport

Stadio Sport 

Diario Digital de Opinión Independiente

dirección@stadiosport.es  

redaccion@stadiosport.es

publicidad@stadiosport.es


     
Desarrollado por Openhost con:      
OpenNeMaS CMS OpenHost S.L. Opennemas CMS