Imprimir

Gómez Noya e Fernando Alarza, na segunda proba das Series Mundiais que se celebra en Auckland

Stadio Sport | 27 de marzo de 2015

Os galegos Javier Gómez Noya e Fernando Alarza participarán na segunda proba das  Series Mundiais 2015, que se celebrará esta fin de semana en Auckland (Nova Zelandia). A proba comezará ás 4:40 horas do 29 de marzo en Nova Zelandia (en Galicia, 12 horas menos)

 

Javi chega a esta proba con ansias. Non puido estar ao seu nivel na primeira proba celebrada en Abu Dhabi (foi sexto) por culpa dunha lesión muscular, e confía en poder celebrar o seu cumpreanos (foi o 25 de marzo) cun triunfo. A lesión está superada, pero non será sinxelo. En Auckland estarán os mellores. Mario Mola (vencedor da primeira proba) é un dos favoritos para loitar polos primeiros postos xunto a Javi, Jonathan Brownlee o Joao Silva. E sen esquecer a Fernando Alarza, deportista do Centro de Alto Rendemento do CGTD, que en Abu Dhabi foi sétimo facendo un traballo espectacular. 

A principal diferenza coa primeira proba das Series Mundiais está na distancia. En Auckland os deportistas competirán sobre a distancia olímpica, na que Gómez Noya está máis cómodo. Así, os deportistas deberán nada 1.500 metros, facer 40 quilómetros de bicicleta nun circuíto moi duro e rematarán con 10 quilómetros de carreira a pe. 

Ademais Auckland é unha cita máxica para Gómez Noya. No 2014 logrou a quinta vitoria nesta cidade de Nova Zelandia, por diante de Jonathan Brownlee.

Puede ver este artículo en la siguitente dirección http://stadiosport.opennemas.com/articulo/atletismo1/gomez-noya-fernando-alarza-na-segunda-proba-das-series-mundiais-celebra-auckland/20150327150123034485.html

Stadio Sport
© 2019 Stadio Sport

Stadio Sport 

Diario Digital de Opinión Independiente

dirección@stadiosport.es  

redaccion@stadiosport.es

publicidad@stadiosport.es


     
Desarrollado por Openhost con:      
OpenNeMaS CMS OpenHost S.L. Opennemas CMS