12:15 h. viernes, 29 de marzo de 2024

Escolares de Lugo danlle á cidade o primeiro premio nos I Xogos romanos de taboleiros das cidades augusteas

Stadio Sport  |  22 de mayo de 2015 (19:29 h.)

Carmen Basadre asistiu á final que se disputou en Braga 

 

A Concelleira de Cultura, Turismo, Xuventude e Promoción da Lingua, Carmen Basadre, asistiu este venres na cidade portuguesa de Braga á final dos I Xogos romanos de taboleiros das cidades augusteas.

Nesta final participaron nenos e nenas de distintos colexios de Lugo e de Braga. Da nosa cidade estiveron representados os colexios Paradai, Casás, Rosalía de Castro, Anexa, Salesianos e Aspnais.

A cidade de Lugo fíxose co primeiro premio polo número de gañadores desta competición.

Os nenos e nenas premiados foron os seguintes: Adrián Lareo, Candela Fernández, Nabil el Achal, Iliana Zaina e Alejandra Quinteiro, que gañaron as medallas de ouro nas distintas modalidades. Carmen González fíxose cun segundo premio. Pola súa parte, Lucía Álvarez, Ramaissa Amel e Henrique Pereira tiveron terceiros premios e Naira Vázquez acadou un cuarto premio. 

Hemeroteca