Imprimir

A cidade de Lugo acolle este domingo o XXXIII Campionato Galego Escolar de Kung-Fu

Stadio Sport | 11 de junio de 2015

Reunirá 560 escolares de 122 equipos chegados de toda Galicia

 

O Concelleiro de Deportes en funcións, Jose Manuel Díaz Grandío, acompañado por Manuel Otero, Xefe do Servizo Provincial de Deportes da Xunta, e Jose Manuel Gómez, organizador do evento, presentaron o  XXXIII Campionato Galego Escolar de Kung-Fu que se celebrará este domingo, 14 de xuño, na nosa cidade.

Neste evento deportivo competirán 560 nenos e nenas de toda Galicia pertencentes a 122 equipos. A competición terá lugar, a partir das 11 horas, no Pavillón Municipal dos Deportes, e agardase a presenza de orredor de 1.800 espectadores.

Para o Concelleiro de Deportes en funcións, “este é un bo broche final para a actual tempada deportiva”.

O Concello de Lugo colabora na celebración deste Campionato co Club  Kung Fu Lugo, que é o responsable da dirección e organización deste XXXIII Campionato Galego Escolar de Kung Fu.

O sistema de competición baséase nos aspectos técnicos, estéticos e educativos do Kung Fu, e componse de tres probas: combinación de movementos libres, defensa persoal simulada, e patrón de movementos previamente establecido para cada categoría.

A competición desenvolverase na modalidade individual e de equipos formados por 3, 4, 5 ou 6 deportistas, de idade superior a 8 anos. Dado que as normas da competición valoran calidades físicas e aspectos técnicos e estéticos, poden participar conxuntamente deportistas de ámbolos dous sexos.

Cada grupo de participantes deberá realizar tres probas de trinta segundos. O grao de dificultade das probas, está determinado pola variedade de movementos e técnicas que a compoñen, especialmente os Taos (patróns de movemento).

A primeira proba de combinación de movementos libres consiste na unión de exercizos compostos por diversas posicións e movementos de brazos e pernas. Esta proba está elaborada polos membros do equipo. O entrenador solo suxire ideas e posibilidades, permitindo así un maior desenrolo e expresión da creatividade e imaxinación do deportista.

A segunda proba, de defensa persoal simulada, baséase na capacidade para aplicar por parellas ou tríos e de forma simulada os movementos e técnicas practicadas individualmente.

E na terceira proba, tao ou patrón de movementos, o grao de dificultade está en relación cos coñecementos adquiridos en cada categoría.

As categorías e subcategorías establécense en base ó grao, nivel técnico e destreza acadada polo deportista durante o tempo de práctica desta modalidade e divídense en Benxamín, Alevín, Infantil,

 

Benxamín: de 4 a 7 anos

•          Cintos amarelos.

•          Cintos laranxas.

•          Cintos verdes.

 

Alevín: de 8 a 11 anos

•          Cintos amarelos.

•          Cintos laranxas

•          Cintos Verdes.

•          Cintos Azuis.

•          Cintos Marróns.

•          Cintos Negros.

 

Infantil: de 12 a 14 anos

•          Cintos amarelos.

•          Cintos laranxas

•          Cintos Verdes.

•          Cintos Azuis.

•          Cintos Marróns.

•          Cintos Negros.

 

Haberá trofeos especiais para o campión absoluto galego e o campión absoluto da provincia de Lugo.

Puede ver este artículo en la siguitente dirección http://stadiosport.opennemas.com/articulo/polideportivo1/cidade-lugo-acolle-domingo-xxxiii-campionato-galego-escolar-kung-fu/20150611221024038269.html

Stadio Sport
© 2019 Stadio Sport

Stadio Sport 

Diario Digital de Opinión Independiente

dirección@stadiosport.es  

redaccion@stadiosport.es

publicidad@stadiosport.es


     
Desarrollado por Openhost con:      
OpenNeMaS CMS OpenHost S.L. Opennemas CMS