Imprimir

Aroa Freije, cuarta na Copa de Europa de Pentatlón Youth de Gran Bretaña

Stadio Sport | 15 de marzo de 2015

A galega, que estivo con gripe toda a semana, acusou o cansazo na combinada

 

Aroa Freije (Tri-Penta Terras de Lugo) rematou na cuarta posición na Copa de Europa Youth de Pentatlón Moderno de Gran Bretaña, que se celebrou hoxe na cidade de Solihull. A galega, que estivo enferma toda a semana, ía na primeira posición ao remate das dúas primeiras probas, pero caeu ata a cuarta posición na combinada. 

Aroa foi dúbida toda a semana para viaxar a Gran Bretaña, xa que estivo enferma con gripe e febre. Pero ante a melloría do xoves, finalmente viaxou e puido competir, aínda que non se atopaba nas mellores condicións físicas. 

Desta forma comezou moi ben a proba. Na natación foi a mellor e na esgrima estivo bastante correcta (con 20 vitorias e 14 derrotas), sendo a sexta mellor. Así chegaba á combinada na primeira posición, e normalmente Aroa destaca nesta especialidade. Pero a nosa deportista estaba moi xusta de forzas e non puido render ao seu nivel. Foi a sexta mellor das competidoras e baixou ata a cuarta posición na clasificación xeral. O triunfo foi para a británica Kerenza Bryson, que foi a máis regular (foi a mellor en esgrima e combinada). O segundo posto foi para Georgina Summers (Gran Bretaña) e a terceira praza para a portuguesa María Migueis.

Puede ver este artículo en la siguitente dirección http://stadiosport.opennemas.com/articulo/atletismo1/aroa-freije-cuarta-na-copa-europa-pentatlon-youth-gran-bretana/20150315135434033810.html

Stadio Sport
© 2019 Stadio Sport

Stadio Sport 

Diario Digital de Opinión Independiente

dirección@stadiosport.es  

redaccion@stadiosport.es

publicidad@stadiosport.es


     
Desarrollado por Openhost con:      
OpenNeMaS CMS OpenHost S.L. Opennemas CMS