O convenio asinado para a formación en alto rendemento en Loitas Olímpicas, botou a andar coa participación de Pablo García na primeira concentración de este tipo no Centro de Alto Rendemento de Madrid, dende o día 23 ata o sábado 28 de Febreiro.

Unha vez rematada esta concentración co equipo nacional de Loita Grecorromana, Pablo García partiu cara o Centro de Tecnificación Deportiva de Palma de Mallorca, para participar en outra concentración dende o 1 ata o 6 de Marzo.

Estas actividades son posibles grazas o acordo asinado entre a FELODA e a Secretaría Xeral para o Deporte, así como a colaboración do Club de Loita Pontevedra e a Federación Galega de Loita. 

Pablo García afinou a súa preparación de cara a os vindeiros campionatos de España sénior de Loitas Olímpicas que terán lugar no concello de Rivas (Madrid).