Porque no deporte, ao igual que en todos os ámbitos da vida, unhas veces gáñase e outras veces toca perder, aínda que sempre sacando conclusións que nos fagan mellorar
O equipo integrado polas karatecas Ruth Lorenzo Couso, Nerea Bellido Echebarrieta e Carlota Fernández Osorio tivo unha discreta actuación no Campionato de España de Clubs celebrado o 16 e 17 de maio na localidade de Leganés.O equipo caeu derrotado na primeira ronda ante o Calahorra da Rioxa por un marcador de 2-1. O equipo rioxano alzouse finalmente coa medalla de bronce.
Pese á derrota as teenses deron mostras do seu alto nivel o que fai pensar que en futuras edicións poden ocupar lugares de privilexio nesta importante competición, que contou coa participación de preto dun milleiro de karatecas pertencentes a clubs de toda a xeografía española.