09:29 h. Viernes, 24 de Noviembre de 2017

Stadio Sport

Este sábado sae do Tui o II Ralli do Descubrimento coa participación de 33 vehículos clásicos

O ralli dividirase en dúas etapas compostas por tres seccións en total

Stadio Sport  |  18 de Marzo de 2015 (20:40 h.)
Más acciones:

 

Este sábado, 21 de marzo, o Concello de Tui será o lugar de saída da segunda edición do Ralli do Descubrimento, organizado pola Escudería Vigo Clásicos, en colaboración co Concello de Tui. Trinta e tres vehículos de antes do ano 1970 concentraranse no Parador de Tui, entre as 09.30 e as 10.30, sendo o horario de saída a partir das 11.15 horas.

Compre destacar a participación de dous Hispano Suiza de 1926, de dous Cádillac, dun Bugatti T57, así como de varios modelos Mercedes e Porsche.

O ralli dividirase en dúas etapas, compostas por tres seccións en total. Os participantes sairán dende Tui percorrendo parte do municipio, dirixíndose a continuación ao concello de Tomiño, rematando a xornada no Parador de Baiona. O domingo 22, a proba partirá ás 11.00 horas, percorrendo o municipio de Gondomar e rematando a proba nas instalacións do IFEVI.