00:15 h. viernes, 29 de marzo de 2024

O Autocross Carballo reunirá aos mellores pilotos galegos

Stadio Sport  |  29 de mayo de 2015 (01:43 h.)

A Escudaría Máis Motor recibiu 74 inscricións para a carreira do Campionato Galego que se celebrará o este sábado no circuito municipal

 

Despois dos traballos de mellora do firme realizados nas últimas semanas, o circuito de Carballo está listo para unha nova temporada do Campionato Galego de Autocross. Este sábado, día 30, a instalación municipal acollerá a primeira carreira do ano, organizada pola Escudaría Máis Motor coa colaboración do Concello de Carballo. Onte pechouse o prazo de inscrición, e un ano máis mantense o listón cun total de 74 participantes, entre os cales figuran os mellores pilotos galegos. 

O municipal de Carballo, que regresou a pasada temporada ao calendario do Campionato Galego, conseguiu situarse en tan só un ano como un dos circuitos de referencia tanto para os pilotos coma para os afeccionados ao autocross. Na carreira do sábado participarán os mellores condutores e os mellores vehículos de -1.600 (17 inscritos), +1.600 (18), 4x4 (9) e carcross, que é a categoría máis espectacular e tamén a máis numerosa cun total de 30 inscritos. O regulamento completo está dispoñible tamén en www.maismotor.es. A xornada do día 30 comezará ás 10.00 horas coas verificacións; ás 12.00 serán os adestramentos; ás 15.30, as semifinais, e ás 17.30, as finais.

 

 

O alcalde de Carballo, Evencio Ferrero, destacou na presentación da proba a importancia de que o circuíto municipal manteña a súa actividade. “Apostamos polo motor, a o importante era poñelo en servizo porque levaba moitos anos pechado e había moita demanda”, manifestou. Evencio Ferrero asegurou que o goberno municipal vén “actuando dende o primeiro momento” para ir introducindo cada ano melloras nas instalacións, e expresou o seu compromiso de seguir atendendo as peticións de entidades coma a Escudaría Máis Motor, que están a dinamizar o circuito con probas como as dúas do Campionato Galego que se celebraron o ano pasado e que tamén haberá nesta temporada.

Hemeroteca