A Fundación Deporte Galego destina 2.420.000 euros na presente tempada ao plan, un 26% máis que na pasada edición, chegando este ano a un total de 111 equipos de Galicia. Na presente edición, o plan ten como patrocinador oficial a ABANCA, grazas á súa achega de 726.000 euros
O secretario xeral para o Deporte, José Ramón Lete Lasa, acompañado polo director de Negocio Institucional en Galicia de ABANCA, Lino Comesaña Calvo, formalizou este martes 20 convenios de patrocinio do Plan de patrocino dos equipos de alta competición de Galicia para o exercicio 2015 da Fundación Deporte Galego, correspondentes aos equipos de Pontevedra e a súa área de influencia.
En total, a sinatura desta tarde supón un investimento de 412.992,73 euros que irán destinados aos seguintes equipos galegos:
EQUIPO |
ESPECIALIDADE |
IMPORTE PATROCINIO |
---|---|---|
Sociedad Gimnástica de Pontevedra |
Atletismo |
17.954,09 |
Clube Bádminton As Neves |
Bádminton |
13.252,17 |
Club Xuventude Baloncesto |
Baloncesto |
39.252,02 |
Club Baloncesto Peixefresco Marín |
Baloncesto |
38.921,19 |
Agrupación Deportiva Cortegada |
Baloncesto |
35.805,19 |
Club Baloncesto Arxil |
Baloncesto |
32.369,52 |
Sociedad Deportiva Teucro Pontevedra |
Balonmán |
39.619,65 |
Club Balonmán Atlético Guardés |
Balonmán |
35.277,37 |
Grupo Deportivo Supermercados Froiz |
Ciclismo |
16.922,76 |
Club Bértola Femenino |
Fútbol |
12.155,21 |
Poio Fútbol Sala |
Fútbol Sala |
30.397,87 |
Leis 26 F.S. |
Fútbol Sala |
14.241,64 |
Club de Kayak Polo Combarro |
Piragüismo |
6.000,17 |
Club Kayak Tudense |
Piragüismo |
23.892,85 |
Club Marítimo, Deportivo e Cultural Breogán de O Grove |
Piragüismo |
10.611,32 |
Club As Torres |
Piragüismo |
8.910,67 |
Escuela de Piragüismo Ciudad de Pontevedra |
Piragüismo |
10.282,92 |
Club Cambados Tenis de Mesa |
Tenis de Mesa |
9.824,12 |
Tenis de Mesa Monte Porreiro (masculino) |
Tenis de Mesa |
9.551,59 |
Tenis de Mesa Monte Porreiro (feminino) |
Tenis de Mesa |
7.750,41 |
O Plan de patrocinio dos equipos de alta competición
Na presente edición, o plan están dotado con 2.420.000 euros, un 26% máis que no pasado ano, tendo por destinatarios a un total 111 equipos galegos. Neste orzamento, ABANCA, patrocinadora oficial do Plan logo do contrato subscrito coa Fundación o pasado mes de febreiro, fai unha achega de 726.000 euros, como parte do compromiso subscrito pola entidade financeira que destinará, no marco da presente colaboración, máis de 3,6 millóns de euros nos cinco anos de duración do contrato coa Fundación.
Dende os seus inicios na tempada 2009/2010, o Plan ten investido máis de 10.000.000 de euros nos equipos de alta competición de Galicia, mostrando a súa efectividade tanto no xenérico número de equipos apoiados (111 na presente edición fronte aos 89 do ano 2009), como especialmente no tocante ao deporte feminino: 28 equipos na tempada 2009/2010, 46 equipos na vixente tempada.
Todos os equipos patrocinados teñen en común contar con equipos nas competicións de primeiro e segundo nivel en modalidades deportivas nas que a competición de máximo nivel desenvólvese na categoría absoluta en sistema de liga regular á que se accede por clasificación, con ascensos e descensos de categoría, e/ou sistema de ránking/clasificación por equipos.
Como vén sendo a tónica habitual deste programa, a presente edición patrocina equipos de distintas especialidades deportivas, o que reflicte o estado de forma do deporte de alta competición en Galicia: Atletismo (5), bádminton (2), baloncesto (11) e baloncesto en cadeira de rodas (2), balonmán (7), béisbol (3), bolos (1), ciclismo (6), esgrima (3), fútbol (14) e fútbol sala (11), halterofilia (2), hóckey herba (1), hóckey liña (2), hóckey a patíns (3), kaiak polo (3), piragüismo (5), remo (3), rugby (3), tenis de mesa (12), tríatlon (5) e voleibol (7).
Este plan de patrocinio supón un moi destacado pulo para a presenza do Deporte galego no máis alto nivel competitivo, a nivel nacional e internacional, das distintas modalidades deportivas comprendidas nel, garantindo o crecemento deportivo de entidades e deportistas destas especialidades, á vez que se reforza a presenza da marca ‘Deporte galego’ nas competicións deportivas ás que acoden os equipos patrocinados. Coa incorporación neste ano de Abanca como patrocinadora oficial, o plan logra potenciar a súa presenza e operatividade, potenciándose á base dos equipos patrocinados.