16:25 h. Domingo, 20 de Agosto de 2017

Stadio Sport

Paula Mayobre e Santiago García, gañadores da III San Silvestre de Fene

Ao redor de seiscentas persoas tomaron parte neste evento deportivo que duplicou o número de inscritos, con respecto á pasada edición

Stadio Sport  |  01 de Enero de 2016 (23:51 h.)
Más acciones:

 

As parroquias de Fene e Perlío foron o escenario dunha nova edición da carreira San Silvestre “Concello de Fene”, evento deportivo e festivo co que o Concellería de Deportes despide o ano 2015. A corredora Paula Mayobre, da Escola de Atletismo Paula Mayobre, foi a primeira clasificada da proba absoluta na categoría feminina. Tamén subiron ao podio as corredoras Sara Guerrero Manso (2ª clasificada), da Escola Atletismo Narón, e Raquel Ruíz Brage (3ª clasificada), do Triatlón Ferrol . 

Na categoría masculina, o primeiro clasificado foi Santiago García Rodríguez, do Club de Atletismo Narón, seguido de Ero Doce González (2º clasificado), do Club de Atletismo Santiago, e Brais Canosa Fernández (3º clasificado), corredor independente. 

 

Catrocentos setenta participantes na proba absoluta, setenta e cinco na andaina e cincuenta corredores/as na categoría “Pitufos”. É o balance da III San Silvestre que organiza a Concellería de Deportes de Fene, coa colaboración da Concellería de Cultura e Ensino, Policía Local e Protección Civil de Fene. A carreira, celebrada esta tarde polas rúas do termo municipal, congregou tamén a centos de espectadores que acudiron a animar aos/ás participantes.  

Dende a concellería de Deportes cualificouse  a proba de rotundo éxito, tendo en conta que o número de inscritos duplicou o do ano pasado. Malia todo, o responsable desta área, o edil Xoán Manuel Bastida lamentou que houbera que pechar as inscripcións horas antes do previsto, aclarando que foi a proposta da Federación Galega de Atletismo para poder garantir a seguridade de todos os participantes.